HERSTORY, 2009

LIZZIE TUCKETT

Dessenië n viac

Lizzie Tuckett fova la sor dl alpinist cunesciù Francis Fox Tuckett. Tres el y si cumpanies dl Alpine Club nglëisc àla mparà a cunescer abenëura la montes. Purempò ne iela nia jita tla stora pervia de si arpizedes - de chëles nen àla nia fat de grandes - ma pervia de si schizes de viac (precursores di cartoons che ie unic de moda truep ani do) che la à fat coche documentazion de si viages. La fova na ilustradëura scialdi da talënt da na rissa fina y asvelta y ova mparà a dessenië dal moler cunesciù William Holman Hunt. Lizzie Tuckett ie unida tla valedes dla Dolomites canche l turism fova mo te si scumenciamënc y la nes à lascià de pitli chedri de vita de ch'i tëmps che nes lascia al didancuei semië de ch'la ntraunides passedes, ma che ie nce pec menuc dl gran mosaich che ie la storia.

DOWNLOAD