LITERATURES, 2011

MI OMANS LA MONTES

La poeta Antonia Pozzi

DOLOMITES
Nia crëps, anes de crëps ie
ch’sta pizes dala ciera, nstarides
tla ulëntà de se ërjer. Y nëus striscion
sun la fermëza nia cunesciuda: man sëura la man,
cun la tenscion archeda di dëic,
cun l’aderënza plata de braces y giames,
se davanions l crëp: cun la fam
di predadëures, auzons su per l sas
nosc corp mujel; cëurni d’imëns,
arlevons sëura la piza ërta
nosc vester zic brujënt. Japé,
jëma l crëp dur. Dala sfësses fosces
y sotes regor n bradlé frëit
de gotes linëuses: y l sfanta debota
sot ai purons smueiei ju. Ma iló ntëur,
tradësc n flurì brumlinëus de salietes
l tume y n aud n lamënt dalonc
che ie sciche l sudlot
safuià, meifinënt, dla tiera.
Madonna di Campiglio, 13 d’agost 1929

DOWNLOAD