HERSTORY, 2009

MI NCËSA IE MI CUFER

Ëiles de viac zacan

De viac se n jivun zacan, canche n messova, canche l fova de bujën: rëiesc da una na pert al'autra de si reiam, saudëies per i spustamënc de si trupes, popui ntieres per si migrazions, pastri per si transumanzes, zigains te si vita da uni di, pelegrins per si pelegrinajes, marcadënc per marciadé de si marcanzia.
D'uni una de chësta grupes fajova nce pert ëiles: i rëiesc y i aristocrac ova si fenans y fanceles, cun i saudëies jiva pea la marcatënderes, sambën fovel nce ëiles pra la populazions zigaines, pastres iel ënghe for stat y nce l'ëiles de Gherdëina, che jiva a vënder zandli, stofs y roba da cujì da cësa a cësa o ora per i marcei fova cunesciudes dloncora. Mo ntëur la metà dl dejenuefejim secul nen fovel n setanta, dantaldut mutans jëunes, che jiva a vënder si marcanzia te dut l raion dl Tirol y mo plu dalonc.
A viagë fajoven na drëta cania: la stredes fova stletes y da stuep, sce l nen fova...


DOWNLOAD